يالى تحب المال والجاه .....

ياللى تحب المال والجـــــاه** ربك إوعّ ف يوم تنســـــــــــــاه
واللا الجاه ياخدك وتفكـــر **إنك تقدر تتــــــــــــــــــــــــحداه
متخليش الدنيا تـــــــــغرك **وتخليلك شلــــــــــــــــه تضرك
وتزينلك فعل المنــــــــــكر **وتلهّيك عن ذكـــــــــــــــــر الله
إيه رأيك لوتكفل أســــــره **معدومه وبتمــــــوت مالحسره
مطحونه ومنعاها الـــــعزه **تتسول وتقــــــــــــــــــــول لله
أوتتكفل طفل اتيّتــــــــــــم **محروم مـــــــــــــالأب وبيكّتم
خليه يشعر بالحنيـــــــــــه **أو تاخده انت وتتبنـــــــــــــــــاه
فكـــــــــر تبنيلك مستشفي **للغلبان يدخلهـــــــــــــا ويشفي
وان ماقدرتش تعمل حاجه **ربك هو بيتــــــــــــــــــــــولاه
لازم برضه تشوف وتفكـر **دا الفجوه بتزداد وبتكبـــــــــــر
والمــحروم حايبص لغيره **ويفكر ياخد من خيـــــــــــــــره
وينّفس عن هم ف قلبــــه **مش ده اللي احنا بنتمنــــــــــاه
إعمل خير من غير ماتفكر **واحسب صح ومش راح تخسر
داللي يقدم شئ ف الدنيـــا **دنيا وآخره بيتلقــــــــــــــــــــاه